Khamiis jan-18 2024-{HMC}ย Israaโiil iyo Xamaas ayaa gaaray heshiis lagu ogolaanayo in gargaar biniโaadanimo oo dheeraad ah la geeyo magaalada Qasa, sida ay sheegeen xubnaha Qadar ee garwadeenka ka ahaa heshiiska.
Waxay sheegeen in heshiiska oo ay garwadeen ka ahaayeen dowladaha Qadar iyo Fransiiska, uu sidoo kale qeyb ka yahay, in dawo la siin doono dadka reer Israaโiil ee ku jira gacanta ururka Xamaas.
Si lamid ah, Israaโiil waxay ogolaan doontaa in gargaar aasaasi ah la gaarsiiyo Qasa. Xaaladda magaaladaasi ayaa ah mid adag, iyadoo duqeymaha Israaโiil ay socdaan in ka badan muddo saddex bilood ah.
Dhanka kale, Mareykanka ayaa sheegay inuu rajeynayo in wadahadallo dheeraad ah oo la yeesho ay horseedi karaan soo siideynta dad badan oo la qafaashay.
Wefdiga Mareykanka ee Bariga Dhexe ayaa muddooyinkii u dambeeyay ku sugnaa waddanka Qadar si ay uga wada hadlaan suurtagalnimada heshiis noocaas ah.
Afhayeenka Golaha Amniga Qaranka ee Aqalka cad ee Mareykanka, John Kirby, ayaa Talaadadii shalay sheegay in wadahadallada ay ahaayeen โkuwa dhab ah oo dedaal bandanna ku baxayโ.
Afhayeenka wasaaradda arrimaha dibedda Qadar, Majed Al Ansari, ayaa hore u shaaciyay heshiiskan gargaarka.
Heshiiska ayaa dhigaya in gargaar biniโaadanimo uu ka bixi doonpo magaalada Doxa ee dalka Qadar oo Arbacada manta la geyn doono ilaa Masar, kadibna sidaas lagu sii geyn doono Qasa si loo gaarsiiyo dadka shacabka ah.
