Arbaco jan-17 2024-{HMC} Maamulaha shirkadda Ethiopian Airlines ayaa BBC-da u sheegay in mid ka mid ah diyaaraddooda oo u duushay Magaalada Hargeysa ee Caasimadamada Somaliland dib loo celiyay ka hor intii aanay ka bixin hawada Itoobiya.
Sida uu sheegay madaxa shirkadda Diyaaradaha ee Ethiopian Airlines Mesfin Tasew Bekele diyaarada oo ka duushay Addis Ababa kuna sii jeeday magaalada Hargeysa ayaa lagu qasbay inay dib ugu laabato Addis Ababa si ay u caga dhigato, maadaama aanay fasax ka heysan Soomaaliya.
Madaxa Ethiopian Airline Mesfin Tasew Bekele ayaa yirii:“Diyaaraddii Hargeysa u socotay way soo noqotay. Sababtoo ah markii ay duushay, waxay su’aali ka timi in aanay ogolaansho laga helin Soomaaliya” ayuu yiri.
