Jimco 08 December-2023-HMC- Wasaradda Gargaarka iyo Maareynta Musiibooyinka Dowladda Hirshabelle ayaa maanta 100 qoys oo Danyar ah gaarsiiyay raashin oo ku nool degmada Buulo Burte.
Wasaaraddu iyada oo garwaaqsan duruufaha adag ee soo wajaha qoysaskan, waxa ay qaadday tallaabo degdeg ah oo lagu gurmanaayo si loo daboolo baahidooda.
Bixinta cuntadu waxay gacan ka geysan doontaa yareynta dhibka ay ku jiraan xilligan adag dadka ay sameysay Fatahaada.
100kan Qoys ayaa aad iyo aad ugu mahadceliyay Wasaaradda Gargaarka iyo Maareynta Musiibooyinka Hirshabelle iyo Madaxda Dowladda Hirshabelle oo xil iska saaray sidii ay bulshada ugu adeegi lahayd.
Maamulka degmada Buuloburte ayaa kaalin mug leh ka qaatay sidii gargaar loo gaarsiin lahaa dadka iyo qoysaska ay dhibaatadu ka soo gaartay.
Waxaa intaas Wasaaradda Gargaarka iyo Maaraynta Masiibooyinka oo kaashanaysa Hay’adda SoDMA ay isku dubbariday in ka badan 30 baabuur oo xamuul oo maalmaha soo socda gaari doono degmada Buuloburte.
Baabuurtan ayaa soo qaadi doona sahayda aadka loogu baahan yahay si loo sii taageero bulshooyinka ay dhibaatadu saamaysay gaar ahaa degmada Buulo Burte.
