Friday, October 18, 2024
spot_imgspot_imgspot_img

Dowladda Soomaaliya oo shaacisay khasaaraha ka dhashay howlgalkii Maanta ka dhacay gobolka Hiiraan

Axad December 3- 2023{HMC} Warsaxafadeed ka so baxay Dowladda Fedaraalka Soomaaliya ayaa kaga hadshay khasaaraha ka dhashay howlgal ciidamada dowladda iyo kuwa dadka deegaanka oo garab ka helaya saaxiibada Caalamiga ah ay ka fuliyeen Tuulada Helo Bacaad ee gobolka Hiiraan.

Dowladda ayaa Warsaxafadeedka ku sheegay in lagu dilay in ka badan 60 ka tirsan kooxda Al-shabaab oo ku sugnaa Tuulada Helo Bacaad oo qiyaas ahaan 8 KM dhinaca Koonfur Galbeed kaga beegan degmada Halgan ee gobolka Hiiraan.

“Howlgalkaan ayaa lagu beegsaday horjoogayaal iyo maleeshiyaad Khawaarij ah oo isku aruursanayey Tuuladaan isla markaana isku diyaarinayay inay u gudbaan qeybo ka mid ah bartamaha Soomaaliya. Ciidanka Qaranka iyo Saaxiibada Caalamka ayaa sidoo kale burburiyay Saanado Ciidan iyo Gaari Dameero ay ku wadeen Hub iyo waxyaabaha Qarxa” ayaa lagu yiri Warsaxafadeedka.

Waxaa sidoo kale lasoo warinayaa in ciidamada dowladda iyo kuwa dadka deegaanka ay wali baacsi kusii hayaan xubnahii Al-shabaab ee ka badnaaday howlgalka.

HALKAN KA AQRISO WARSAXAAFADEEDKA 

WARARKA