Axad Nofembar 26, 2023 {HMC} Tirada dadka ku dhintay fatahaaddaha ku dhuftay wadanka Soomaaliya ayaa gaartay 96 qof, sida uu sheegay gudoomiyaha Hay’adda Maaraynta Musiibooyinka Soomaaliya Maxamuud Macalin oo shir jaraa’id ku qabtay magaalada Muqdisho.
Sida gobolka intiisa kale, daadad ka dhashay roobbab mahiigaana oo ka da’ayay todobaadyadii ugu dambeeyay iyo webiyada oo inta ay buux dhaafeen ku fatahay magaalooyin badan oo Soomaaliya kamid ah ayaa keentay in 900,000 oo qof ay guryahooda ka barakacaan.
Dadka ay saameysay fatahaadda ku dhufatay Soomaaliya ayay Hay’addu ku sheegtay in ay gaarayaan 2.3 milyan oo qof.
Xoolaha nool ee lagu waayay fatahaadda ayaa lagu sheegay in ay gaarayaan 4,000 oo neef.
Hantida ku burburtay fatahaadda ayay Hay’dda Maaraynta Musiibooyinku sheegtay in ay gaarayaan 136,045 oo isugu jira guryo, gawaari iyo alaabo kalaba.
