Talado, October -24- 2023-{HMC} Guddoomiyaha gobolka Hiiraan Cabdullaahi Axmed Maalin Sufuroow oo aay wehliyaan xubno maamulka kamid ah iyo Wakiilka Hay’adda qaramada midoobay u qaabilsan beeraha iyo cuntada ee FAO ayaa kormeeray goobaha mashaariicda biyo-xereenada ka socdo magaalada Baladweyne.
Guddoomiyaha gobolka Hiiraan ayaa madaxda Hayada FAO ka siiyay warbixin biya xereenada hay’ada ay dhiseeyso halka aay marayaan.
Guddoomiyaha ayaa u mahadceliyay madaxda hay’adda FAO sida aay bulshada gobolka Hiiraan uga gacansiiyeen sidii xal waara loogu heli lahaa fataahadda Beledweyne kusoo noq-noqota.
Madaxda maamulka ayaa wafdiga hay’adda FAO ka socday ka dalbaday biyo xereeno kale oo dheeraad ah oo laga dhiso Beledweyne,Suuqyo iyo mashaariic kale oo horumarin ah oo bulshada gobolka baahi u qabaan.
Gabagabadii guddoomiyaha gobolka Hiiraan ayaa madaxda hay’adda FAO guddoonsiiyay Shahaado Sharaf ka turjumeyso wax qabadkooda la xiriiro biyo xereenada ay ka sameeyeen Magaalada Beledweyne.
